ગાંધીનગર: ભારતના હવામાન વિભાગ (IMD) ની આગાહી મુજબ, ગુજરાત રાજ્યના કેટલાક જિલ્લાઓમાં 8મી જાન્યુઆરીથી 11મી જાન્યુઆરીના રોજ સવારે 8:30 વાગ્યા સુધી છૂટાછવાયા સ્થળોએ કમોસમી હળવો વરસાદ થવાની ધારણા છે.
IMDના તાજેતરના બુલેટિન મુજબ, 8મી જાન્યુઆરીએ નવસારી, વલસાડ, ડાંગ, દાદરા નગર હવેલી, જૂનાગઢ, ગીર-સોમનાથ અને દમણ અને દીવમાં જિલ્લાઓમાં છૂટાછવાયા સ્થળોએ હળવો વરસાદ થવાની સંભાવના છે.
9મી જાન્યુઆરીએ બનાસકાંઠા, સાબરકાંઠા, અરવલ્લી, મહિસાગર, દાહોદ, રાજકોટ, અમરેલી અને જૂનાગઢ જિલ્લાઓમાં છૂટાછવાયા સ્થળોએ હળવા વરસાદની સંભાવના છે.
