ગાંધીનગર: વિધાનસભા ગૃહમાં એક સભ્ય દ્વારા પૂછવામાં આવેલા પ્રશ્નના જવાબમાં મંત્રી શ્રી ઋષિકેશ પટેલે જણાવ્યું હતું કે વડાપ્રધાન શ્રી નરેન્દ્રભાઈ મોદીની પ્રેરણાથી ગુજરાતમાં શરૂ થયેલી નર્મદા યોજનાના પરિણામે કચ્છ જેવા દુર્ગમ વિસ્તારોમાં પણ નર્મદા પહોંચી છે.
મંત્રી પટેલે ઉમેર્યું હતું કે, નર્મદા યોજના હેઠળ રાજ્યમાં કુલ 69,497.41 કિમી લંબાઈની નહેરો બનાવવાનું આયોજન છે. જેમાંથી 63,773 કિલોમીટર લાંબી નહેર બનાવવાની કામગીરી પૂર્ણ કરવામાં આવી છે. એટલે કે, નર્મદા કેનાલનું 91.76 ટકા બાંધકામ પૂર્ણ થઈ ગયું છે, જ્યારે બાકીનું કામ 2025 સુધીમાં પૂર્ણ થઈ જશે અને રાજ્યના દરેક ખૂણે પાણી પહોંચાડવામાં આવશે.
મંત્રીએ ઉમેર્યું હતું કે, 31/12/2023ના રોજ નર્મદા યોજના હેઠળની મુખ્ય નહેરનું કામ 100 ટકા અને બ્રાન્ચ કેનાલનું કામ 99.98 ટકા પૂર્ણ થયું છે. આ ઉપરાંત વિશાખા કેનાલનું 96 ટકા, પ્રશાખા કેનાલનું 93 ટકા અને પ્રશાખા કેનાલનું 90 ટકા કામ પૂર્ણ થયું છે.