ગાંધીનગર: ગુજરાતમાં છેલ્લા બે દિવસથી ઠંડીનો માહોલ જોવા મળી રહ્યો છે, રાજ્યના કેટલાક વિસ્તારોમાં તાપમાનનો પારો 10 ડિગ્રી સુધી ગગડ્યો છે. હવે, ભારતીય હવામાન વિભાગ (IMD) એ આગામી સપ્તાહે રાજ્યના કેટલાક ભાગોમાં છૂટાછવાયા સ્થળોએ કમોસમી હળવા વરસાદની આગાહી કરી છે.
IMD ના તાજેતરના બુલેટિન મુજબ, 8મી જાન્યુઆરીએ બનાસકાંઠા, સાબરકાંઠા, સુરેન્દ્રનગર, બોટાદ, નવસારી, વલસાડ અને દમણ, દાદરા નગર હવેલી જિલ્લાઓમાં છૂટાછવાયા સ્થળોએ હળવો વરસાદ થવાની સંભાવના છે.
