ભુજ: ગુજરાતના કચ્છ જિલ્લાના અંજાર શહેરમાં આજે સવારે કેમો સ્ટીલ કંપનીના કારખાનામાં ભઠ્ઠીમાંથી પીગળેલી ધાતુ તણાઈને તેમના પર પડતા દસ કામદારો ઘાયલ થયા હતા. ઘાયલોમાં ચારની હાલત ગંભીર છે. તેઓને સારવાર માટે અમદાવાદ સ્થિત હોસ્પિટલમાં રીફર કરવામાં આવ્યા છે. અન્ય છ ઘાયલ મજૂરો ગાંધીધામની સ્થાનિક હોસ્પિટલમાં દાખલ છે. જ્યારે આ દુર્ઘટના બની ત્યારે કામદારો ભઠ્ઠીમાં ધાતુનો ભંગાર નાખી રહ્યા હતા.